AҚШ-Канада савдо муносабатларидаги кескинлик ортидан, Канада дўконлари AҚШ маҳсулотларини ўз расталаридан олиб ташлашни бошлади. Жумладан LCBO ичимликлар дўконлари тармоғи ҳамда Онтарио шаҳридаги бир қатор бошқа дўкон ва ресторанлар АҚШ маҳсулотларидан воз кеча бошлади. Бу ҳолат Канада истеъмолчиларининг AҚШ маҳсулотларига бўлган нафратини ифодалаётгани айтилмоқда. Канада "Americano" қаҳваси номини "Canadiano" деб ўзгартирди.
Онтарио ҳокими Даг Форднинг айтишича, Онтарио спиртли ичимликларни назорат қилиш кенгаши Дональд Трампнинг Канада маҳсулотларига нисбатан жорий этган кенг қамровли тарифларига қарши "қасос олишнинг биринчи босқичи" доирасида Aмерикадан келиб чиққан 3600 дан ортиқ маҳсулотни олиб ташламоқда.
"Эксклюзив улгуржи сотувчи сифатида Aмерика брендлари энди LCBO ассортиментида мавжуд бўлмайди, бу провинциядаги бошқа чакана сотувчилар, барлар ва ресторанлар ҳам энди Aмерика маҳсулотларини сақлай олмайди", деди Форд сешанба куни тушдан кейин журналистларга.
“Бу америкалик ишлаб чиқарувчилар учун катта зарба. "Ҳар йили LCBO AҚШдан 1 миллиард долларга яқин шароб, пиво, сидр ва спиртли ичимликлар, шу жумладан 35 штатдан 3600 дан ортиқ маҳсулотларни сотиб олар эди", деган Форд.
"Канада ва Онтарио бу савдо урушини Президент Трамп каби биринчи бошламади, аммо Канада жамоаси унда ғалаба қозонишга тайёр", деган Онтарио раҳбари.
Аввалроқ, AҚШ Президенти Доналд Трампнинг Канада, Мексика ва Хитойдан импорт қилинадиган маҳсулотларга янги бож тарифлари жорий этиши ортидан, Канада ҳукумати AҚШ маҳсулотларига нисбатан 25 фоизлик божларни эълон қилган эди.
Канада Бош вазири Жастин Трюдо ушбу чораларни "адолатли" деб атаб, AҚШнинг бож тарифлари "асоссиз" эканлигини таъкидлаган. У, шунингдек, AҚШ истеъмолчилари учун зарурий маҳсулотлар нархи ошиши, савдо муносабатларининг издан чиқиши ва иш ўринлари йўқолишига олиб келиши мумкинлиги ҳақида огоҳлантирган.
Мутахассислар ушбу ўзаро иқтисодий кескинлик Канада ва AҚШ иқтисодиётига салбий таъсир кўрсатиши, нархларнинг ошиши ва иқтисодий ўсишнинг секинлашишига олиб келиши мумкинлигини таъкидламоқда.
Трамп эса Канада бу божларсиз савдо қилишни истаса, АҚШ таркибига кириши кераклигини, агар Канада жавоб тариқасида божларни оширса, АҚШ ҳам яна оширишини таъкидлаяпти.
Канада раҳбари Жастин Трюдо эса Канада ҳеч қачон АҚШ таркибига кирмаслигини айтган.
Абдуллоҳ Саййид
