Ижтимоий тармоқларда Андижон шахрида фуқарони поезд уриб кетгани ҳақида хабарлар тарқалди.
Вилоят Соғлиқни сақлаш бошқармасига кўра воқеа бугун, 13 март соат 10:22 да содир бўлган. Тез ёрдам машинаси етиб борган вақтда ҳақиқатдан 1999 йилда туғилган кар-соқов бўлган йигитча Х.М. оғир ва карахт ҳолатда бўлган. У 10:34 да Республика шошилинч тиббий ёрдам марказига олиб борилган. Шифокорлар аҳволи оғир беморнинг ҳаётини сақлаб қолишга эришган ва операция муваффақиятли ўтган.
Унга оғир бош мия жароҳати, бош мия чайқалиши, гематомаси, қош қисми йиртилган жароҳати, ўнг ошиқ-болдир бўғими чиқиши, ошиқ-болдир бўғими синиши, постравматик карахтлик ташхиси қўйилган. У болаликдан кар-соқов бўлган.
Ҳозирда беморнинг ҳолати ўрта оғир. У шифокорлар назоратида ва саломатлик ҳолати ижобий кўринишда.
