Ўзбекистоннинг Истанбулдаги Бош консулхонаси шаҳарда турли норозилик намойишлари ва оммавий йиғилишлар ўтказилаётгани муносабати билан ўзбекистонликларни эҳтиёткорликка чақирди.
Дипмиссиямиз ижтимоий тармоқларда ҳар қандай хабар ёки фикр билдиришда жуда эҳтиёт бўлишга чақирди.
Хавфсизлик чоралари:
- Норозилик намойишлари, митинглар ва оммавий йиғинлардан узоқ туринг;
- Одам гавжум жойларга борманг, ҳаракатланиш йўналишингизни олдиндан режалаштиринг;
- Ижтимоий тармоқларда эҳтиёткорлик билан ҳаракат қилинг, провокацион хабарларни жойлаштирманг ва тарқатманг;
- Фақат расмий манбаларга ишонинг ва вазият бўйича янгиликларни кузатиб боринг;
- Фавқулодда ҳолатларда Бош консулхона билан боғланинг.
