Хонанда Дилфуза Исмоилова фирибгарлик қурбонига айланди. Унга етказилган зарар миқдори 80 минг АҚШ доллари.
Қайд этилишича, айни кунларда ушбу иш ЖИБ Учтепа тумани судида кўриб чиқилмоқда. Маълум қилинишича, фирибгар нафақат хонандага балки бошқа шахсларни ҳам чув туширганликда гумонланмоқда.
Хонанда ва унинг адвокатининг сўзларига кўра, судланувчи аввалига хонанданинг “гап”ига қўшилган. Сўнгра ўзини цитрус мевалар савдоси билан шуғулланувчи тадбиркор сифатида кўрсатиб, унинг ишончига кирган. У четдан келаётган цитрус меваларнинг ҳар бир юк машинасидан 25-30 минг фойда олаётганини айтган. Бунга ишонган Дилфуза Исмоилова “Мен ҳам бизнес бошламоқчи эдим, яхши режа экан, пул тикаман” деган. Улар фойдани тенг бўлишга келишган. Шу тариқа хонанда судланувчининг тузоғига тушиб қолган.
Судланувчи олдин ҳам Жиноят кодексининг 168-моддаси, яъни фирибгарлик жинояти бўйича судланган бўлган.
