Самарқанд шаҳрининг Сартепо массивида жойлашган кўп қаватли уйда 28 март куни соат 10:02 ларда уй ичида қулфланиб қолган қизалоқ қутқарилди. Бу ҳақда ФВВ матбуот хизмати хабар берди.
Маълум қилинишича, уйнинг 3-қаватидаги хонадонларидан бирида истиқомат қилувчи фуқаро вилоят ФВБга эҳтиётсизлик оқибатида кириш эшиги қулфланиб қолганлиги ва хонадонда 3 ёшли қизи қолиб кетганлигини билдириб мурожаат қилган.
Айтилган манзилга ФВБ қутқарувчилари етиб бориб, кўп қаватли уйнинг 4-қаватидаги хонадон деразасидан 3-қаватга тушган.
Шундан сўнг уй эшигини ичкаридан очиб, уй ичида қолган қизалоқни онасига соғ-саломат топширди
