АҚШ президенти Доналд Трамп импорт товарларига янги божлар жорий қилганини эълон қилгач, бу қарор акциялар бозорига кучли зарба берди. Натижада, дунёнинг энг бой одамлари бир кун ичида жами 208 миллиард доллар бойликдан айрилди. Бу ҳақида zamon.uz хабар берди.
Бу ҳолат Bloomberg Billionaires Index тарихидаги энг катта бойлик йўқотишларидан бири бўлди — ҳатто СОВИД-19 пандемияси давридан бери бу қадар катта йўқотиш қайд этилмаган эди.
Энг катта зарарни Mark Sukerberg кўрди. Унинг «Мета» компанияси акциялари деярли 9 фоизга тушди ва бу натижада у 17,9 миллиард доллар бойликдан айрилди — бу унинг шахсий бойлигининг деярли 9 фоизи ташкил этади.
Шунингдек, Амазон асосчиси Жефф Безос ҳам 15,9 миллиард долларга, Илон Маск эса 11 миллиард долларга яқин йўқотишларга учради. Уларнинг бойлиги асосан компаниялари акцияларига боғлиқ бўлгани учун, акциялар тушиши бевосита молиявий ҳолатларига таъсир кўрсатди.
Трампнинг янги бож сиёсатига кўра, ҳар бир импорт маҳсулотига 10 фоизлик асосий бож белгиланди. Лекин айрим давлатлар учун бу кўрсаткич анча юқори: Хитойдан келадиган товарлар учун 34 фоиз, Ветнамдан — 46 фоиз, Европа Иттифоқидан эса 20 фоизгача.
Янги божлар дунё миқёсида инвесторлар ишончига таъсир қилган ва бу миллиардлаб долларларнинг бир зумда “йўқ бўлиб кетишига” сабаб бўлмоқда.
