Жорий йилнинг 2 апрель куни Наманган вилояти Давлатобод туманида мактаб ўқувчилари бошқарувидаги Nexia-3 юк машинаси билан тўқнашиб кетди. Бу ҳақда вилоят Йўл ҳаракат хавфсизги бошқармаси хабар берди.
Маълум қилинишича, 2 апрель куни соат 17:10 лар атрофида Порлоқ маҳалласи Ислом Каримов кўчасида Янги Наманган туманида жойлашган 2-сонли мактабнинг 9-синф ўқувчилари ҳайдовчилик гувоҳномаси бўлмасдан туриб, Nexia-3 русумли автомобилини бошқарган, ҳаракат хавфсизлигини таъимлай олмасдан йўлнинг қарама-қарши қисмига чиқиб кетган ва ўз йўналишида ҳаракатланиб келаётган SHACMAN русумли юк автомобили билан тўқнашиб кетган.
Билдирилишича, оқибатда Nexia-3 ҳайдовчиси ва олд ўриндақдаги синфдоши оғир тан-жароҳати олиб, шифохонага ётқизилган. Суриштирув ишлари давомида маълум бўлишича, 11-синф ўқувчиси автомобилни 9-синф ўқувчиларига 2 соатга, 220 минг сўм эвазига ижарага берган.
