“Ташаббусли бюджет”нинг 2025 йилги 2-мавсумида 826 та маҳаллага танаффус берилади.
Жорий йилги 1-мавсумда 2 011 та маҳалла ғолиб бўлди, шундан 329 таси илк бор. 2024 йилги 2-мавсумда ҳам ғолиб чиққан 826 та маҳалла бу мавсумда такроран ғолиб деб топилди.
Шу сабабли, ушбу маҳаллалар 2025 йилги 2-мавсум ва 2026 йилги 1-мавсумларда танаффус олади.
Бу маҳаллалар ва улардаги мактаб, боғча, шифохона ва бошқа ташкилотлар мазкур мавсумларда лойиҳа билан қатнашолмайди.
Танаффус бериладиган маҳаллалар рўйхати “Очиқ бюджет” порталида эълон қилинади.
