Ўзбекистон Ташқи ишлар вазири Бахтиёр Саидов АҚШ Давлат котиби Марко Рубио билан учрашди. Бу ҳақда Ташқи ишлар вазирлиги матбуот хизмати маълум қилди.
Қайд этилишича, Икки давлат вакиллари сиёсий мулоқотни мустаҳкамлаш, иқтисодий ва сармоявий ҳамкорликни кенгайтириш, минтақавий алоқаларни ривожлантириш, Марказий Осиёда хавфсизлик ва барқарорликни таъминлаш бўйича фикр алмашганлар.
Бундан ташқари, Бахтиёр Саидов ҳамда Марко Рубио стратегик шериклик доирасидаги юқори даражадаги мулоқот ва амалий ҳамкорликни давом эттириш орқали икки томонлама муносабатлардаги ижобий динамикани қўллаб-қувватлашга келишиб олган.
