Қўшма штатлар етакчиси Дональд Трамп Хитой товарларига тарифларни 104 фоиздан 125 фоизга оширди. Бу ҳақда у “Truth Social” ижтимоий тармоғидаги саҳифасида хабар берди.
“Хитойнинг жаҳон бозорларини ҳурмат қилмаслигидан келиб чиқиб, мен Америка Қўшма Штатлари томонидан Хитойдан ундириладиган божни зудлик билан 125 фоизга кўтараман”, — дейди Трамп
Шунингдек, АҚШ раҳбари Пекин яқин келажакда “Қўшма Штатлар ва бошқа мамлакатларни талон-торож қилиш” даври тугаганини тушунишига умид билдирган.
АҚШ музокаралар учун мурожаат қилган 75 мамлакат учун божларни 90 кунга кечиктирмоқда. Бу даврда 10 фоизлик ставка қўлланади.
