Қирғизистонда навбатдаги президентлик сайловларини ўтказиш вақти белгиланди
Қирғизистон Республикаси парламенти 2025 йил 16 апрель кунги йиғилишида мамлакатдаги навбатдаги президентлик сайловини 2027 йил январь ойида ўтказиш тўғрисида қарор қабул қилди. Бу қарор мамлакатдаги сиёсий жараёнларнинг янги босқичини бошлаб бериши мумкин.
Амалдаги президент Садир Жапаров 2021 йилдаги сайловларда 79% овоз билан ғалаба қозонган эди. Унинг ҳукуматдаги фаолияти ва сиёсий таъсири ҳали ҳам юқори даражада. Аммо, 2027 йилдаги сайловларда унинг қайта номзодлиги ҳақида расмий маълумотлар ҳозирча мавжуд эмас.
Мухолифат сафида Адaхан Мадумаров ва Канатбек Исаев каби сиёсатчилар эҳтимолий номзодлар сифатида кўрилади. Мадумаров, "Бүтүн Қирғизистон" партияси раҳбари сифатида, мамлакатнинг жанубий ҳудудларида кенг қўллаб-қувватловга эга. Исаев эса парламентдаги тажрибаси ва сиёсий фаолияти билан танилган.
Қирғизистондаги сайловлар тарихан сиёсий беқарорлик ва мухолифатнинг фаол иштироки билан ажралиб туради. 2027 йилдаги сайловлар ҳам мамлакатдаги сиёсий кучлар ўртасидаги рақобатни янада кучайтириши мумкин. Сайловлар натижаси мамлакатнинг ички ва ташқи сиёсатини шакллантиришда муҳим роль ўйнайди.
Абдуллоҳ Саййид
