Тошкентда 18 ёшли қиз севган йигити томонидан калтаклангани айтилган видео ижтимоий тармоқлардатарқалди. Ушбу ҳолат юзасидан Тошкент шаҳар ИИББ Матбуот хизмати маълумот берди.
Аниқланишича, видеода акс этган ҳолат жорий йилнинг 14 апрель куни соат 11:50 атрофида Мирзо Улуғбек тумани Мирзо Улуғбек кўчасида содир бўлган.
2003 йилда туғилган С.А. ўзининг таниши бўлган 2006 йилда туғилган А.Ж. билан келишмовчилик оқибатида тортишиб қолганлиги сабабли унга куч ишлатган.
Жанжал вақтида С.А. қизга тан жароҳати етказган ва бунинг натижасида жабрланувчи шифохонага мурожаат қилган.
Мазкур ҳолат юзасидан Мирзо Улуғбек тумани ИИО ФМБ Тергов бўлими томонидан ЖКнинг 277-моддаси (безорилик) билан жиноят иши қўзғатилган. Тергов ҳаракатлари давом этмоқда.
