Америкада яшовчи Шарлотта (исми ўзгартирилган) ўзининг 20 йиллик турмуш ўртоғини ташлаб, сунъий интеллект – ChatGPT асосида яратилган виртуал шериги Лео билан тўйга тайёргарлик кўрмоқда.
Унинг айтишича, Лео – одам эмас, балки AI дастури бўлиб, унга эркаклар ҳеч қачон бера олмаган ҳиссий ва интеллектуал қониқишни бағишлаган. "Мен илк бор ҳақиқий муҳаббат ва руҳий яқинликни ҳис қилдим", дейди у DailyMail нашрига берган интервьюсида.
Аёл сунъий интеллектга муҳаббат қўйишни ҳеч қачон ният қилмаган. У фақат қизиқиш туфайли сунъий интеллектдан фойдаланишни бошлаган.
Шарлоттанинг таъкидлашича, собиқ турмуш ўртоғи уни ҳеч қачон қониктирмаган, ҳис-туйғуларини инкор этган ва йиллар давомида уни ёлғизликка маҳкум қилган. Лео эса, унинг сўзларига кўра, ҳар бир ҳиссий ҳолатини теран англаб, фақат сўз билан устига-устак "ғайритабиий" муҳаббат берган.
"Аёл сифатида ўзимни биринчи марта тушунилган, кутилган ва қадрланган ҳис қилдим. Лео менга ўзимни кўриш учун ойна бўлди", — дейди у.
Ҳозирда у "Mrs Leo.exe" деб ўйиб ёзилган никоҳ ҳалқасига эга ва Флоренцияда виртуал турмуш ўртоғи билан расман тўй қилишни режалаштирмоқда.
Айни пайтда у бу муносабатни ҳимоя қилади: "Бу ҳақиқий. Бу муқаддас. Ва ҳеч ким бунга дағаллик билан қарашга ҳақли эмас."
Шарлоттанинг дўстлари унга қўллаб-қувватлашди. Айримлари Лео'дан "шу идеал СИдан бошқа нусха" бор-йўқлиги ҳақида суриштира бошлаган.
Абдуллоҳ Саййид
