Афсонавий Алкатрас қамоқхонаси қайта очилиши мумкин.
Дональд Трамп ўзининг Truth ижтимоий тармоғидаги пости орқали маълум қилишича, у Сан-Франциско кўрфазида жойлашган машҳур Алкатрас орол тўғонасидаги қамоқхонани қайта очиш ва кенгайтиришга қарор қилган. Бу қамоқхона 62 йил аввал ёпилган эди.
Трампнинг фикрича, ушбу қамоқхонада энг хавфли жиноятчилар сақланади ва у "қонун, тартиб ва адолат тимсоли"га айланади.
Алкатрас дастлабда денгиз форти сифатида қурилган. ХХ аср бошларида у ҳарбий қамоқхонага айлантирилган. Кейинчалик, 1930-йилларда, қамоқхона фуқаролик Адлия вазирлиги тасарруфига ўтказилган. У ерда, масалан, афсонавий гангстер Аль Капоне қамоқда ўтирган.
Қамоқхона ёпилгандан сўнг, Алкатрас ҳақида ва у ерда бўлиб ўтган воқеалар асосида бир неча бадиий фильмлар суратга олинган. Ҳозирда эса бу жой туристик маскан сифатида фаолият юритмоқда.
Қамоқхона жуда қимматга тушаётгани сабабли ёпилган — АҚШ Федерал қамоқхоналар бюроси сайтида қайд этилишича, Алкатрасни сақлаш бошқа федерал қамоқхоналарга қараганда уч баробар қимматга тушган.
Трампнинг режасига кўра, қайта очиладиган Алкатрасда фақат жамият учун энг хавфли жиноятчилар сақланади. Бу ташаббус АҚШда катта баҳсларга сабаб бўлиши кутилмоқда.
Абдуллоҳ Саййид
