Ҳиндистоннинг Покистонга йўллаган ҳаво ҳужумлари оқибатида 57 киши яраланган, 31 киши ҳалок бўлган. Бу ҳақида “BBC” нашри Покистон армиясига таяниб хабар бермоқда.
Покистон Бош вазири Шеҳбаз Шариф аввалроқ Ҳиндистон зарбаларини "жазосиз қолмайдиган жирканч тажовуз" деган эди.
Армия матбуот котиби Аҳмад Шариф Чаудрининг айтишича, Ҳиндистон ҳужуми оқибатида 57 киши яраланган, 31 киши ҳалок бўлган.
Ҳиндистон икки ҳафта олдин Кашмирда сайёҳларга уюштирилган ҳужумга жавоб тариқасида жангарилар нишонларига зарба берганини айтди. Покистон расмийлари 26 кишининг ўлимига сабаб бўлган ҳужумга ҳеч қандай алоқаси йўқлигини маълум қилди.
Покистон бунга жавобан артиллериядан ўқ узган ва Покистон расмийларига кўра, Ҳиндистоннинг бешта самолёти ва бир дронини уриб туширганини айтган. Бироқ Ҳиндистон ҳукумати бу маълумотни тасдиқламади.
Чоршанба куни кечқурун АҚШ президенти Дональд Трамп Ҳиндистон ва Покистон ўртасидаги кескинлашувга қисқача изоҳ берди.
"Мен иккала давлатни ҳам яхши биламан. Улар буни ўзаро ҳал қилишларини истайман", — деган у Овал офисда журналистларга.
Шунингдек, Трамп икки мамлакат ўртасидаги урушни тўхтатишни хоҳлашини айтиб, ёрдамга тайёрлигини маълум қилган.
