Жорий йилнинг 7 май куни АҚШ Ҳаво ва денгиз операциялари (AMO) ходимлари Виэкес оролига ноқонуний киришга уринган тўрт нафар Ўзбекистон фуқаросини қўлга олди.
Маълум қилинишича, бўлинма Виэкес оролига киришга уринган 7 нафар йўловчини олиб кетаётган қайиқни текширган. Уч нафар йўловчи АҚШ фуқаролари бўлган. Қолган тўрт нафари, яъни уч эркак ва бир аёл Ўзбекистон фуқароси бўлиб чиққан.
Ўзбекистон фуқароларининг АҚШга кириши ёки у ерда қолиши учун ҳеч қандай ҳужжати бўлмаган.
Қўриқлаш хизмати ходимлари тўрт нафар ўзбекистонликни иммиграцияни расмийлаштириш ва олиб чиқиб кетиш учун ҳибсга олган.
Дастлабки маълумотларга кўра, ушбу кема АҚШ Виржин оролларидаги Сен-Жон оролидан йўлга чиққан.
