Ўзбекистонда 3 та МЧЖ фуқароларни хорижга ишга юборишини айтиб, улардан пул йиғиб олгани ва хизмат кўрсатмагани аниқланди. Бу ҳақида Миграция агентлиги ахборот хизмати маълум қилди.
Қайд этилишича, агентлик томонидан текширув ўтказилган. Унда “WORLDVISA” MCHJ, “Everyone Consult” МЧЖ ва “Adworld Group” ўзларининг ижтимоий тармоқлардаги эълонлари орқали хорижга ишга юбориш хизматларини кўрсатаётганликлари, фуқаролардан пул йиғиб, хизмат кўрсатмаганлик ҳолатлари аниқланган.
Лицензияга эга бўлмаган ташкилотлар орқали хорижда ишга жойлашишга уриниш фуқароларнинг молиявий ва ҳуқуқий хавф-хатарга дучор бўлишига олиб келади, — дейилади изоҳда.
Ушбу МЧЖларга нисбатан тегишли жарималар қўлланилган.
