Ўзбекистон Президенти Шавкат Мирзиёев Словения Президенти Наташа Пирс Мусарнинг таклифига биноан расмий ташриф билан Люблянага кетди. Бу ҳақда давлат раҳбарининг матбуот хизмати маълум қилди.
Қайд этилишича, самолёт олдида давлатимиз раҳбарини Бош вазир ўринбосари - ташқи ишлар вазири Таня Фаён ва бошқа расмий шахслар кутиб олган.
Ёже Пучник номидаги халқаро аэропортда олий мартабали меҳмон шарафига икки мамлакат давлат байроқлари кўтарилиб, фахрий қоровул саф тортган.
Ташриф дастурига мувофиқ, Ўзбекистон етакчиси Словения Президенти Наташа Пирс Мусар билан музокаралар ўтказади, мамлакат парламенти ва ҳукумати раҳбарияти билан учрашувлар ўтказади, қўшма бизнес форумида иштирок этади.
Ўзаро манфаатли савдо-иқтисодий шерикликни ривожлантириш, саноат, фармацевтика, электротехника, "яшил" энергетика, қишлоқ хўжалиги соҳаларида кооперация лойиҳаларини амалга ошириш, меҳнат миграцияси бўйича ҳамкорлик ва гуманитар алоқаларни кенгайтириш масалалари кўриб чиқилади.
