Россия босиб олинган Украина ҳудудларида электр узатиш линияларини қурмоқда. “The New York Times”нашрининг ёзишича, бу ҳаракатлар Запороже атом электр станциясини (АЭС) Россия энергия тизимига улашга қаратилган бўлиши мумкин. Нашр ушбу хулосани “Греэнпеаcе” ташкилоти тақдим этган янги ҳисоботга таяниб келтирган.
“Греэнпеаcе” томонидан эълон қилинган сунъий йўлдош суратларида 2025 йил февралидан буён Азов денгизи бўйлаб, босиб олинган Мариупол ва Бердянск шаҳарлари ўртасида 80 километрдан ортиқ электр узатиш линиялари қурилгани акс этган.
Мутахассисларнинг баҳолашича, бу линиялар Мариупол яқинидаги йирик подстанцияга уланмоқда. Мазкур подстанция эса 225 километр узоқликда жойлашган Запороже АЭС билан боғланган.
“Греэнпеаcе”нинг ядровий энергетика бўйича эксперти Шон Бернининг айтишича, бу суратлар Россия президенти Владимир Путиннинг Запороже АЭСъни ишга тушириш режалари борлигини илк бор очиқча тасдиқлайди.
“The New York Times” Москванинг аниқ режалари ҳанузгача мавҳумлигича қолаётганини таъкидлайди. Россия урушдан сўнг АЭСъни ишга туширишни режалаштиряптими ёки жанговар ҳаракатлар давом этаётган пайтда буни амалга оширмоқчими — бу савол очиқ қолмоқда.
Мутахассисларнинг фикрича, АЭСъни тўлиқ Россия энергия тизимига улаш учун яна бир нечта электр линияси қурилиши керак бўлади.
Газета бу ҳолатни тарихда илк бор бир давлат бошқа давлат ядровий объектини эгаллаб олиб, уни ўз эҳтиёжлари учун ишлатиши мумкин бўлган вазият сифатида баҳолайди.
Бу эса АҚШнинг, хусусан Дональд Трамп маъмуриятининг, станция келажаги борасида тинчлик музокаралари орқали ечим топиш ҳаракатларига зид бўлади.
