Ўзбекистонда хизмат кўрсатган маданият ходими, санъат арбоби, таниқли композитор, педагог ва профессор Дилором Омонуллаева 66 ёшида вафот этди.
У ўз умрини Ўзбекистон маданияти ва эстрада санъати ривожига бағишлаб, 300 дан ортиқ мусиқий асарлар яратди. Унинг қўшиқлари юртимизда ва хорижда кенг танилган бўлиб, кўплаб машҳур санъаткорлар томонидан ижро этилган.
Дилором Омонуллаева "Дўстлик" ордени, шунингдек, "Маданият ва санъат фидокори" ҳамда "II даражали "Меҳнат фахрийси" кўкрак нишонлари билан тақдирланган.
