Эрон ҳудудида чекланган миқдорда, паст даражадаги уран бойитишга рухсат берилиши мумкин. Бу таклиф АҚШ расмийларининг аввалги қатъий позициясидан фарқ қилади, чунки улар илгари Эроннинг ядро иншоотларини тўлиқ демонтаж қилишни талаб қилган эди.
Таклифга кўра, Эрон янги бойитиш иншоотлари қурмаслиги, мавжуд ерости бойитиш иншоотларини вақтинча тўхтатиши ва бойитиш даражасини 3% га тушириши керак.
Шунингдек, халқаро назорат кучайтирилади ва санкциялар фақат Эроннинг реал мажбуриятлари тасдиқлангандан сўнг бекор қилинади .
Бироқ, Эрон Ташқи ишлар вазирлиги АҚШнинг санкцияларни бекор қилиш бўйича аниқ кафолатлар бермаётганидан хавотир билдирди.
Исроил Бош вазири Нетаняҳу эса бу таклифга қарши чиқиб, Эроннинг ядро дастурига нисбатан қатъий чоралар кўрилишини талаб қилмоқда .
Яқин кунларда музокараларнинг олтинчи босқичи ўтказилиши кутилмоқда.
