Америка разведкасининг “Reuters”агентлигига берган маълумотига кўра, Украина хавфсизлик хизмати (СБУ) томонидан ўтказилган “Тўр” (Паутина) операцияси натижасида 20 та Россия бомбардимончи самолёти ишдан чиққан.
Уларнинг тахминан 10 таси тўлиқ йўқ қилинган, қолганлари эса жиддий зарар кўрган.
НАТО манбасига кўра, Украина 10–13 та стратегик самолётни йўқ қилган, умумий ҳисобда эса Россия стратегик авиациясининг 30% (40 дан ортиқ самолёт) ишдан чиққан.
Украина СБУ ва Бош штаби берган расмий рақамлар:
41 та Россия ҳарбий-ҳаво кучларига тегишли самолёт уриб туширилган — улар орасида Ту-95, Ту-22М3 бомбардимончилари ва А-50 разведка самолёти бор.
Россия ТИВ раҳбари ўринбосари Сергей Рябков эса бу даъволарни инкор этиб, техникалар фақат зарар кўрган, аммо йўқ қилинмаган деб баёнот берди. Унинг сўзларига кўра, бу самолётлар тикланади.
