АҚШ президенти Дональд Трамп аввалроқ сотиб олган Tesla автомобилини сотиш ёки кимгадир совға қилиш ҳақида ўйламоқда. Бу ҳақда Оқ уйдаги манбага таяниб, The New York Post хабар берди.
Манбанинг аниқлик киритишича, бу қизил Tesla Model C бўлиб, қиймати 80-100 минг долларга баҳоланган. Трамп уни март ойи бошида кўплаб танқидларга учраётган Илон Маскни қўллаб-қувватлаш учун сотиб олган эди. Автомобиль март ойидан бери Оқ уй олдида сақланмоқда.
Май ойи охирида Илон Маск ҳукумат самарадорлиги департаменти раҳбари лавозимини тарк этгач, Доналд Трампни ва унинг солиқ имтиёзлари ҳақидаги қонунини кескин танқид қилди. Бундан ташқари, Маск Трампнинг тадбиркор ва космонавт, бизнесмен бир нечта лойиҳаларда алоқадор бўлган яқин таниши Жаред Айзекманни NASA директори этиб тайинламаслик қароридан норози бўлган. Бу Трамп ва Маск ўртасида можарога сабаб бўлди, улар бир-бири билан қаттиқ тортишди. Маск ҳатто Трампнинг эҳтимолий импичментини қўллаб-қувватлади.
