Ижтимоий тармоқларда ЙПХ ходимлари томонидан ҳайдовчига куч ишлатилгани айтилган видеолар тарқалди. Ҳолат юзасидан вилоят ЙҲХБ расмий муносабат билдирди.
Унга кўра, 5 июнь куни Жарқўрғон тумани Сурхон қишлоғи ҳудудида хизмат олиб бораётган ЙПХ ходимлари қувиб ўтиш қоидасини бузиб, хавфли ҳаракат қилган Лаcеттиъга тўхташ тўғрисида ишора кўрсатган. Ҳайдовчи эса ҳаракатни давом этиб қочиб кетишга уринган.
Транспорт воситаси “қидирувда” бўлгани, илгари ҳам ЙПХ ходимларининг қонуний талабларига бир неча маротаба бўйсунмагани аниқланган. Ушбу ҳолат ЙПХ ходимлари томонидан транспорт воситасини тўхтатиб, ҳуқуқбузарликни бартараф этиш вақтида содир бўлган бўлиб, ҳозирда вилоят ИИБ масъул ходимлари томонидан ҳолат юзасидан суриштирув ишлари олиб борилмоқда.
