“Бунёдкор” стадионида футбол байрами давом этади.
Ўзбекистон Республикаси Президенти, Миллий Олимпия қўмитаси раиси Шавкат Мирзиёев Ўзбекистон ва Қатар терма жамоалари ўртасидаги учрашувдан кейин 2026-йил АҚШ, Канада ва Мексика майдонларида ўтказиладиган футбол бўйича жаҳон чемпионати йўлланмасини қўлга киритган спортчиларни тақдирлади.
Президент қарорига кўра, саралаш циклида қаҳрамонлик кўрсатган футболчиларимизга давлат мукофотлари тақдим этилди. Шунингдек, йигитларимизга Президенти совғаси – BYD автомашиналари ҳам топширилди.
