2025 йил 13 июнь тонгида Исроил Мудофаа вазири Исроэл Катс берган баёнотга кўра, Исроил ҳаво кучлари Эрон ҳудудига нисбатан “олдини олиш мақсадидаги” зарба бергани маълум қилинди.
Ушбу ҳаракат ортидан Исроилда фавқулодда ҳолат жорий этилди. Бу ҳақда AFP ахборот агентлиги хабар бермоқда.
Исроэл Катснинг айтишича, Исроил томонидан амалга оширилган зарбадан сўнг мамлакат ҳудудига қарши Эрон томонидан ракета ва учувчисиз учиш аппаратлари орқали ҳужумлар амалга оширилиши мумкин. Унинг баёноти “The Times of Israel” нашри томонидан келтирилган.
Шу билан бирга, Эрондаги “Nour News“ ахборот манбаси Теҳрон шаҳрининг шимоли-шарқий ҳудудларида портлашлар кузатилгани ҳақида хабар берган.
Вазият юзасидан дипломатик кузатувлар давом этмоқда.
