Қайд этилишича, Қашқадарё вилоятининг Қарши шаҳрида яшовчи шахс ўзини ҳудудий профилактика инспектори деб таништириб, фуқарога унинг устидан ариза тушганлиги, қўлида турли фото ва видеотасвирлар борлигини айтиб, бўлимга чақирган.
Аёл боролмаслигини маълум қилган, ўзини профилактика инспектори деб таништирган шахс эса аёлдан ишни ҳал қилиб бериши учун 500 доллар талаб қилган. Унинг сўзларига ишонган аёл шахсий маълумотлари ошкор бўлмаслиги учун сохта профилактика инспектори талаб қилган пулларни унинг пластик картасига ташлаб беради.
Шундан сўнг сохта профилактика инспектори фуқародан ушбу ишни батамом ёпиш учун яна 1,5 млн сўм талаб қилиб, пулни олаётган вақтда ҳуқуқ тартибот органлари томонидан ушланган.
Ҳозирда ҳолат юзасидан Жиноят кодексининг 165-моддаси 2-қисми “в” банди (товламачилик бир гуруҳ шахслар томонидан олдиндан тил бириктириб содир этилган бўлса) билан жиноят иши қўзғатилиб, гумонланувчига нисбатан қамоқ эҳтиёт чораси қўлланилган.
