Эроннинг 15 июнга ўтар кечаси Исроил бўйлаб ракета зарбалари оқибатида камида 10 киши ҳалок бўлиб, 200 дан ортиқ киши яраланган. Бу ҳақда The Times of Israel нашри "Magen David Adom" қутқарув хизматига таяниб хабар тарқатди.
Тел-Авив чеккасидаги Бат-Ям шаҳарчасида баллистик ракета кўп қаватли турар-жой биносига келиб урилди. Тармоқларда уйга зарба берилиши акс этган видеоёзув пайдо бўлган.
Исроил расмийларига кўра, Бат-Ямдаги уйга берилган зарба оқибатида олти киши, жумладан, саккиз ёшли қизча ҳалок бўлган. 180 га яқин киши жароҳатланган. Етти киши бедарак йўқолган.
