Толибон Хитой билан 25 йиллик нефть шартномасини бекор қилди. Бу ҳақда “Zamon.uz” нашри ёзмоқда.
Қайд этилишича, Толибон бошқарувидаги Афғонистон Конь ва нефть вазирлиги Хитойнинг “Afchin” компанияси билан тузилган 25 йиллик нефть шартномасини бекор қилди.
Бунга сабаб сифатида компаниянинг шартнома шартларини бир неча бор бузгани кўрсатилган.
Амударё нефть конини қазиб олишга оид бу келишув бўйича текширув ўтказилган, натижада “Afchin” ўз мажбуриятларини бажармагани аниқланган.
Толибон халқаро консалтинг компанияларини ҳисоб-китобларни аниқлаштиришга жалб этмоқда.
Шартномага кўра, компания дастлабки йилда 150 миллион, кейинги уч йилда эса 450 миллион доллар сармоя киритиши керак эди.
Амударё ҳавзасида 87 миллион тонна нефть захираси борлиги айтилган.
