Ижтимоий тармоқларда “кеча, 17-июнь куни пойтахтнинг учта тумани уч соатгача “светсиз” қолди” мазмунида хабарлар тарқалган эди. Ҳолат юзасидан Энергетика вазирлиги расмий муносабат билдирди.
Қайд этилишича, турмакларда тарқалган хабарлар асоссиз.
“Кеча, 17 июнь куни соат 21:00 да Тошкент шаҳридаги “Сокин” подстанциясида носозлик юзага келиши натижасида Юнусобод, Мирзо Улуғбек ва Олмазор туманларининг айрим ҳудудларида электр таъминотида узилиш кузатилган”, — дейилади расмий муносабатда.
Шунингдек, изоҳда кеча соат 21:16 да “Сокин” подстанциясидан чиқувчи 110 кВ кучланишли “Сокин-1” ва “Сокин-2” электр узатиш тармоқларига кучланиш берилиб, истеъмолчиларнинг электр таъминоти босқичма-босқич қайта тиклангангами қўшимча қилинган.
“Соат 22:30 да барча истеъмолчиларнинг электр таъминоти тўлиқ тикланган”, — дея таъкидланади хабарда.
