Жорий йилнинг 1 июль кунидан бошлаб Тошкент – Тель-Авив – Тошкент йўналишидаги рейслар одатдаги тартибда амалга оширилишни бошлайди. Бу ҳақда “Ўзбекистон ҳаво йўллари” хабар берди.
“2025 йилнинг 1 июлдан бошлаб Тошкент – Тель-Авив – Тошкент йўналишидаги рейслар одатдаги тартибда амалга оширилади”, дейилади хабарда.
Аввалроқ, Исроилнинг Тель-Авив халқаро аэропортида ҳаво ҳудудидан фойдаланиш бўйича жорий этилган чекловлар сабабли жорий йилнинг 16 июнидан 30 июнигача Тошкент – Тель-Авив– Тошкент йўналишидаги рейслар вақтинча тўхтатилганди.
