Ижтимоий тармоқларда Тошкент шаҳрида “доставкачи” йигитни зўрлаган 2 аёл 15 суткага қамалди каби хабар тарқалди. Бунга Олий суд Жамоатчилик билан алоқалар маркази раҳбари Азиз Абидов муносабат билдирди.
Абидовга кўра, айрим манбаларда тарқалаётган “Чилонзорда “доставкачи” йигитни зўрлаган 2 аёл 15 суткага қамалди” каби хабарлар ҳақиқатга тўғри келмайди.
Шунингдек, Олий суд Жамоатчилик билан алоқалар маркази раҳбари фуқароларни бу каби “фейк” маълумотларга ишонмасликка чақирган.
Бундан ташқари, у ахборот ресурсларидан ҳаққонийлиги тасдиқланмаган, асоссиз маълумотларни тарқатмасликни сўраган. Ва ёлғон ахборот тарқатганлик учун маъмурий ва жиноий жавобгарлик мавжудлигини эслатиб ўтган.
