Ўзбекистон Олий судининг расмий баёнотига кўра, Янгиариқ туман судининг тергов судьяси М.С. фуқаро О.Р.га жиноят иши бўйича ёрдам бериш эвазига илгари олган поранинг бир қисмини қайтараётган вақтда қўлга олинди.
Қайд этилишича, М.С. пора пулларини аризачининг талаби билан қайтармоқчи бўлган пайтда, ҳуқуқни муҳофаза қилувчи органлар томонидан ўтказилган тезкор тадбир давомида, далилий ашё билан ушланган.
Олий суд бу ҳолат бўйича кескин муносабат билдириб, суд тизимида коррупцияга нисбатан муросасиз кураш давом этаётганини таъкидлади.
Шунингдек, тизимни “нопок кадрлар”дан тозалаш учун барча зарур чоралар кўрилаётгани қайд этилган.
Суд органи жамиятда, хусусан, суд тизимида коррупцияга қарши курашишда фуқароларни фаол ҳамкорликка чақирди.
