Еврокомиссия Украинага кўмак беришнинг турли йўлларини муҳокама қилмоқда. Гап ҳарбий ёрдамни бюджетдан ташқари грантлар шаклида юбориш, 50 миллиард долларлик кредит ажратиш ва Россиянинг музлатилган активларидан фойдаланиш ҳақида бормоқда.
Украинанинг 2026-йилги бюджетида камида 19 миллиард евролик тешик юзага келган. Сабаб – инвесторлар ва Халқаро Валюта Жамғармаси уруш 2025 йилда якунланади, деган умидда молиявий режаларни тузган эди.
Аммо реал вазият бунга мос эмас: уруш давом этмоқда, маблағлар эса камаймоқда.
“Энди кўпчилик харажатларни қайта ҳисоблашга мажбур. Ҳар қандай сценарийда молиявий тешик юзага чиқади”, – дейди Украинадаги музокараларда иштирок этаётган Евроиттифоқ расмийси, Financial Times нашри ёзишича.
