АҚШ собиқ президенти Жо Байденнинг шахсий шифокори Др. Кевин ЎCоннор чоршанба куни Конгрессдаги ёпиқ эшитувда Байденнинг соғлиги ва руҳий ҳолати юзасидан бирорта ҳам саволга жавоб бермай, ўзининг ўзига қарши гувоҳлик бермаслик ҳуқуқини (АҚШ Конституциясининг 5-тузатмаси) ишга солди. Бу ҳақда Zamon.uz хабар берди.
Вакиллар палатаси назорат қўмитаси раиси республикачи Жеймс Комер (Кентукки) бу ҳаракатни “одатдан ташқари ҳолат” деб атади ва “бу президент соғлиғи бўйича усти ёпилган катта яширин воқеани тасдиқлайди,” деди.
O‘Connor'га икки асосий савол берилган:
“Сиз президент соғлиги ҳақида ёлғон гапиришга мажбур бўлганмисиз?”
“Сиз ҳеч қачон Жо Байден ўз вазифаларини бажаришга яроқсиз, деб ўйлаганмисиз?”
Ҳар икки саволга у жавоб бермасдан, 5-тузатмани кўрсатган.
Қўмита ҳатто Dr. ЎCоннорнинг қисқа давом этган ёпиқ эшитувидан лавҳани ижтимоий тармоқларда “Улар нимани яширмоқда?” деган сўзлар билан эълон қилди.
Барак Обама даврида Оқ уйда ишлаган шифокор Др. Жефри Кулман ушбу саволлар тиббий махфийлик (ҲИПАА) қонунларига зид эмаслигини билдирди ва ЎCоннор уларга жавоб бериши мумкинлигини айтди.
“Ўйлашимча, бу саволлар аниқ тиббий маълумотларни ўз ичига олмайди,” деди Кулман. У шунингдек, “президентлик саломатлиги учун йиллик руҳий тестлар мажбурий бўлиши керак,” деган фикрни илгари сурган.
Республикачи конгрессмен Ронни Жексон (собиқ ҳарбий шифокор):
“Др. O 5-тузатмани ишга солиши у Байденнинг президентликка яроқсизлигини билганини ва энди ўзини ҳимоя қилишга уринаётганини кўрсатади.”
Демократ конгрессмен Жасмине Кроккет (Техас):
“Мен жиноят ишларида адвокат бўлганман. У қилган ҳаракат юридик жиҳатдан тўғри. Агар у беморнинг (ҳатто собиқ президентнинг) соғлиғи ҳақида гапирганида, тиббий лицензиясидан айрилиши мумкин эди.”
Конгресс Байден президентлиги даврида ҳокимиятни аслида ким бошқарганини аниқлашга ҳаракат қилмоқда. 2025 йил 20 майда чиққан “Оригинал Гуноҳ” номли китобда “Политбюро” деб аталувчи кичик маслаҳатчилар гуруҳи Оқ уйдаги қарорларни қабул қилгани иддао қилинган.
Шу муносабат билан, Байденнинг собиқ ёрдамчилари — Эшли Уилямс (12 июль), Анни Томасини (18 июль), Рон Клаин (24 июль), Стив Риккетти (30 июль), Майк Донилон (31 июль) ва Брюс Рид (5 август) каби шахслар Конгресс олдида сўроқ қилинади.
