Кеча, 10 июль куни Тошкент вилояти Бўстонлиқ туманидаги Кичик Чимён тоғида ёнғин келиб чиқди. Бу ҳақда вилоят Фавқулодда вазиятлар бошқармаси маълум қилди.
Қайд этилишича, ҳодиса соат 19:32 да Тошкент вилояти ФВБга Бўстонлиқ тумани “Бурчмулла” ўрмон хўжалигига қарашли Кичик Чимён тоғида қуруқ ўт ва шох-шаббалар ёнаётгани тўғрисида хабар тушган.
Хабарга асосан, ёнғин қутқарув экипажлари воқеа жойига соат 19:38 да етиб бориб, 19:55 да ўраб олинган ва соат 20:25 да ўчирилган.
Билдирилишича, ёнғин оқибатида дам олиш масканлари ва аҳоли яшаш хонадонларига зарар етмаган. Ҳозирда ёнғин сабаби ва зарари аниқланмоқда. Ҳолат оқибатида тан жароҳати олганлар йўқ.
