Ижтимоий тармоқларда машҳур трендни такрорламоқчи бўлиб, Malibu автомобилининг капотида рақсга тушаётган эркак акс этган видео тарқалди. Ушбу ҳолат юзасидан Тошкент шаҳар Йўл ҳаракати хавфсизлиги бошқармаси муносабат билдирди.
Унга кўра, ҳуқуқбузар қўлга олинган. Аниқланишича, Malibu автомобили Damas'га тегишли давлат рақам белгиси билан ҳаракатланган. Автомобиль жарима майдончасига жойлаштирилган.
Ҳуқуқбузарга нисбатан Маъмурий жавобгарлик тўғрисидаги кодекснинг 125-моддаси 6-қисми (Транспорт воситаларидан фойдаланиш қоидаларини бузиш) билан ҳужжатлар расмийлаштирилган.
“Мен жароҳат олишим ҳам мумкин эди, бу яқинларим учун ҳам оғир бўларди. Оилам ҳам қийналарди. Қилган ишимдан афсусдаман. Бошқа бундай қилмайман. Тренд учун бундай иш қилиш керак эмас экан. Тренд ортидан қувсанг, ўзингга, ҳамёнингга ва оилангга зиён етказишинг мумкин экан”, - дейди у.
