Фарғона вилоят ИИБнинг берган хабарига кўра, жорий йилнинг 10 июль куни Фарғона вилоятининг Фарғона шаҳри “Ўзбек Овози” кўчасида икки таниш ўртасида жанжал келиб чиққан.
Жанжал оқибатида улардан бири "Lacetti" русумли автомашинага ўтириб, танишини атайлаб уриб кетган. Натижада жабрланувчи оғир тан жароҳатлари олиб, шифохонада вафот этган.
Ҳолат юзасидан Жиноят кодексининг 104-моддаси 3-қисми (қасддан баданга оғир шикаст етказиш оқибатида ўлимга сабаб бўлиш) билан жиноят иши қўзғатилди. Айбланувчи қўлга олинган ва айни пайтда тергов ҳаракатлари олиб борилмоқда, дейилади хабарда.
