12 июль куни Беларус ҳаво кучларига тегишли Ми-24 вертолёти Украина томон учаётган Россиянинг “Гербер” русумидаги зарба берувчи дронини уриб туширди. Бу ҳақда Украина Мудофаа вазирлигининг Бош разведка бошқармаси маълум қилди.
Дроннинг қолдиқлари Беларуснинг Гомел вилоятига қулагани айтилмоқда. Хабарларга кўра, ҳодиса вақтида Беларус ҳаво ҳудудида Россиянинг камида учта дрони бўлган.
Айни вақтда, Россия 12 июлга ўтар кечаси Украинага қарши энг йирик авиаҳужумни амалга ошириб, 597 та дрон ва 26 та қанотли ракетадан фойдаланган. Украина ҳаво мудофааси эса уларнинг 602 тасини, жумладан, 319 та дронни уриб туширишга муваффақ бўлган.
Экспертларга кўра, “Гербер” дронлари жанговар қуролларни ташиш ва радиоэлектрон разведка қилиш имкониятига эга бўлиб, хорижда ишлаб чиқарилган технологиялар билан жиҳозланган.
