Россиялик дирижёр Валерий Гергиэв июль охирида Италиянинг Неапол шаҳри яқинидаги Un’Estate da Re мусиқа фестивалида иштирок этиши режалаштирилган. Аммо бу иштирок Европарламентда қизғин баҳсларга сабаб бўлди.
Европарламент витсе-президенти Пина Пичерно:
“Путинни қўллаб-қувватлайдиган Гергиэвнинг давлат маблағлари билан молиялаштириладиган фестивалда иштироки мутлақо номақбул”, — деди.
Шу зудлик билан Еврокомиссия изоҳ берди:
“Фестиваль Евроиттифоқ маблағлари ҳисобидан эмас, балки Италия бюджетидан молиялаштирилган. Европа саҳналари урушни қўллайдиган санъаткорларга берилмаслиги керак”, — деди комиссия вакили Эва Грнтсирова.
Навалнийга алоқадор ФБК (Коррупцияга қарши кураш фонди) Гергиэвнинг контсерти бекор қилинишини талаб қилмоқда ва 19 июль куни Миланда норозилик акцияси ўтказмоқчи.
Шу билан бирга, Италия ҳукумати Гергиэв чиқишини бекор қилишни режалаштирмаяпти. Кампания вилояти губернатори Винсентсо Де Лука:
“Санъат мулоқот, ҳамжиҳатлик ва ҳурмат жойи бўлиб қолиши керак”, — дея билдирди.
Кампаниядаги ёзги фестиваль ўтказиладиган Казерта қироллик саройи – Италиянинг энг муҳим маданий обидаларидан бири саналади.
