АҚШ президенти Дональд Трамп Россияни урушни тўхтатишга мажбур қилиш учун янги таҳдид билан чиқди. Унга кўра, агар Россия тинчликка рози бўлмаса, Москва билан савдо қилаётган ҳар қандай давлатга 100 фоизлик бож жорий қилинади.
Бу баёнот Трампнинг НАТО саммитидан кейин берган интервьюсида янгради. Трамп бу орқали Украинани қурол билан эмас, иқтисодий босим орқали ҳимоя қилиш кераклигини таъкидлади.
Шу орада, АҚШ Сенати Россияга қарши навбатдаги санкцияларни қабул қилишни кечиктирди. Сабаб – Трампнинг бу баёноти Европадаги иттифоқчилар орасида иккиланиш келтириб чиқарди.
