Қашқадарё вилоятида Nexia-3 ҳайдовчиси машинани тўхтатишга уринган икки кишини судраб кетгани акс этган видео ижтимоий тармоқларда кенг муҳокамага сабаб бўлди. Вилоят ИИБ ҳолат юзасидан расмий баёнот берди.
Маълумотларга кўра, 8 июль куни тахминан соат 14:30 ларда Миришкор туманидаги ошхонада фуқаролар Р.Л. ва К.С. билан эгаси Э.И. ўртасида келишмовчилик юзага келган.
Можародан сўнг Р.Л. ва К.С. Nexia-3 русумли автомашина (ҳайдовчи К.Ҳ.)га йўловчи сифатида ўтирган. Шу пайт Э.И. ва унинг қариндошлари автомашинани тўхтатишга ҳаракат қилган, бироқ ҳайдовчи ҳаракатни давом эттириб, уларни машина билан судраб кетган.
Ҳолат юзасидан ҳозирда Миришкор туман ИИБ томонидан терговга қадар суриштирув ишлари олиб борилмоқда.
