АҚШ президенти Дональд Трамп Россия президенти Владимир Путинга Украина урушини якунлаш учун 10 кунлик муддат берди. Бу ҳақда у Шотландияни тарк этишдан олдин журналистларга маълум қилди.
“Бугундан бошлаб ўн кун,” — деди Трамп. Агар бу муддат ичида Россия тинчлик йўлида аниқ қадам қўймаса, АҚШ Москвага нисбатан аввал эълон қилинган бож тўловларини жорий қилади.
“Бу Россияга таъсир қиладими-йўқми, билмайман. Чунки у урушни давом эттиришни хоҳлаётгандек кўринади”, — дея қўшимча қилди Оқ уй раҳбари.
Трамп, шунингдек, Путин томонидан унинг ультиматумига жавоб бўлмаганини “уятли ҳолат” деб атади.
Аввалроқ Россия президентининг матбуот котиби Дмитрий Песков Трамп баёнотини Кремль “эътиборга олганини” билдирганди.
