Кеча, 30 июль куни соат 18:30 лар атрофида АҚШнинг “F-35 Lightning II” реактив қирувчи самолёти дала ҳудудига қулаб тушди. Воқеа АҚШнинг Калифорния штати Фресно округида жойлашган Лемур ҳарбий авиабаза яқинида содир бўлган. Бу ҳақда “Fox 26 News” хабар берди.
Унга кўра, фавқулодда хизматлар воқеа жойига етиб борган. Учувчи самолёт ҳалокатга учрашидан олдин ундан чиқишга улгурган.
Қулаган самолёт АҚШ Ҳарбий-денгиз кучлари ёки денгиз пиёда қўшинларига тегишли бўлган бўлиши мумкин. Ҳодиса юзасидан тергов жараёнлари олиб борилмоқда.
Маълумот учун, ушбу самолёт “кўринмас” технологиялар билан жиҳозланган замонавий ҳарбий техника бўлиб, ҳаво-ҳаво, ҳаво-ер ҳужумларини амалга ошириш, разведка ва радиоэлектрон кураш вазифаларини бажаришга мўлжалланган.
