Исроил Бош вазири Бенямин Нетаняхунинг Ғазо шаҳрини эгаллаш бўйича режалари хавфсизлик сиёсий кенгаши томонидан маъқулланди. Режа IDF томонидан Ғазо шаҳрининг тўлиқ назоратини қўлга киритишни кўзда тутади. Бунга халқаро ҳамжамиятнинг кескин танқидлари ҳам тўсқинлик қилмади.
Узоқ давом этган йиғилишдан сўнг эълон қилинган баёнотда айтилишича, операция доирасида фуқаролар учун гуманитар ёрдамни таъминлаш чоралари ҳам кўрилади.
Расмий Тел-Авив беш асосий тамойилни қабул қилганини билдирди: Ҳамасни қуроллардан халос қилиш, барча гаровдагиларни, шу жумладан ҳалок бўлганлар жасадини қайтариш, Ғазо секторини демилитаризация қилиш, ва янги маъмурият ташкил этиш — у Ҳамас ҳам, Фаластин Маъмурияти ҳам бўлмайди.
Нетаняху Fox News’га берган интервьюсида Исроил Ғазони бутунлай эгаллаш ниятида эканини, бироқ уни бошқариш нияти йўқлигини таъкидлади. Ҳамас бу қарорни тинчлик музокараларидан воз кечиш ва гаровдагилар тақдирини хавф остига қўйиш деб баҳолади. Шу билан бирга, Исроил жамиятида ҳам бу ҳарбий кенгайиш қарорига қарши норозиликлар кучаймоқда.
