Испанияда ноқонуний уй эгаллаш — яъни “сквоттерлик” ҳолатлари йилдан-йилга ошмоқда. 2024 йилда судларга фақат “сквоттерлар”га нисбатан 16,5 мингта ариза берилган. Бунга сабаб сифатида ижтимоий ҳимояга муҳтож шахсларни суд қарорисиз чиқариш тақиғи ва судлар юкламасининг ҳаддан зиёд ошиб кетгани кўрсатилмоқда.
Адвокат Хорхе Диэснинг айтишича, ҳозирги қонунлар айнан ижтимоий “заиф” тоифадагиларга нисбатан ҳаддан ташқари бағрикенг. Бу эса уй ижарачиларининг ҳуқуқий ҳимоясини сусайтирмоқда.
Уй эгалари эса ижарага уй беришдан чўчимоқда. Чунки тўловни тўхтатиб қўйган ижарачини чиқариш икки йилгача чўзилиши мумкин. Бу вақтда эса полиция аралаша олмайди. Бўш турган уйлардан эса жиноятчи гуруҳлар фойдаланмоқда — улар “сквоттерлар”ни жойлаштириб, кейинчалик “тинч йўл билан” чиқариш хизматларини пулли таклиф қилмоқда.
Мухолифатдаги Халқ партияси ҳокимиятга келса, мулкдорлар ҳуқуқларини тиклашни ва амалдаги қонунларни ўзгартиришни ваъда бермоқда.
