Бухоро вилояти ИИБ ходими мансабдор танишлари орқали Бухоро шаҳар ИИБ тергов бўлимидаги жиноят ишининг гумонланувчига оид қисмини тугатишда ёрдам бериш эвазига 13 минг АҚШ доллари талаб қилди. ДХХ, ички ишлар ва прокуратура органлари ҳамкорлигида ўтказилган тезкор тадбирда у пулни олаётганида ушланди.
Тошкент вилояти ИИББ қўриқлаш бошқармаси Ангрен бўлими сафдор ходими бўлинма командири ўринбосари билан тил бириктириб, фуқарони ишга киритиш эвазига 1 500 доллар сўради. Тезкор тадбирда у олдиндан 1 000 доллар олаётганида қўлга олинди.
“Тошкент” халқаро аэропорти паспорт-виза бўлими катта инспектори вояга етмаган шахснинг хорижга чиқиш ҳужжатини тезлаштириб бериш учун 400 доллар пора олаётганда ушланди. Текширувда у 2025 йил бошидан бери 42 нафар чет элликдан 300–700 доллар, 8 нафар ўзбекистонликдан эса 200–400 доллар пора олиб, чиқиш визаси ва ҳамроҳлик штампини тезлаштириб бергани аниқланган.
Ушбу қонун ҳимоячиларига нисбатан жиноят иши қўзғатилиб, қамоқ эҳтиёт чораси қўлланди. Тергов давом этмоқда.
