Политбарометер сўровига кўра, Германия аҳолиси Доналд Трамп ва Владимир Путин ўртасидаги эҳтимолий саммит Украина урушини тўхтатишга олиб келишига ишонмаяпти. Сўровда қатнашганларнинг 84 фоизи ўт очишни тўхтатиш бўйича музокаралардан ижобий натижа чиқишига шубҳа билдирган. Фақатгина 13 фоиз респондент Трамп бунга эриша олади деб ҳисоблайди.
Шунингдек, респондентларнинг 82 фоизи Россия президенти Владимир Путин урушни тўхтатишга қизиқмаслигини айтган. Фақат 14 фоиз немислар бу фикрга қўшилмайди.
Украина томонидан мумкин бўлган ҳудудий муросага келганда эса, фикрлар бўлинди: сўровда қатнашганларнинг 42 фоизи урушни тўхтатиш эвазига Украина Россия босиб олган ҳудудларнинг бир қисмини беришга рози бўлиши керак деб ҳисоблайди. 45 фоизи эса Украина бу ҳудудлар учун курашни давом эттириши кераклигини таъкидлаган.
