Германия политсияси касаба уюшмаси (ГдП) вакили Хаген Хусгеннинг таъкидлашича, очиқ ҳавода хизмат қилаётган политсиячилар глобал иқлим ўзгариши шароитида иссиқдан жиддий азият чекмоқда. Шу сабаб, уларнинг саломатлигини ҳимоя қилиш учун янги чоралар кўрилиши керак.
dpa ахборотига кўра, касаба уюшмаси политсиячилар учун сояда дам олиш паузалари, "нафас олувчи" махсус кийимлар, кепкалар, қуёшдан ҳимояловчи кремлар ва сув пуркайдиган "салқин ороллар" ташкил этишни таклиф қилмоқда.
Бундан ташқари, жазирамада хизматни эрта бошлаш, ортиқча ишлардан воз кечиш, иш жойларига вентиляторлар ўрнатиш, кийиниш тартибини енгиллаштириш ва ходимларга электролит ичимликлар тарқатиш каби ечимлар ҳам илгари сурилган.
