Полшанинг йирик шаҳарларидан бирида ичимлик суви ва канализация тизимига уюштирилган киберҳужум “сўнгги дақиқаларда” бартараф этилди. Бу ҳақда мамлакат витсе-премери ва рақамлаштириш вазири Кшиштоф Гавковский маълум қилди.
Аммо у шаҳар номини ва ҳужум тафсилотларини очиқламади.
Вазирга кўра, Полша инфратузилмасига ойига 60–70 минг киберҳужум қилинади ва бу йил бошидан ҳужумлар сони ошган.
Расмийлар бундай хуружларнинг 99 фоизини тўхтатишга муваффақ бўлаётганини билдирди.
Миллий прокуратура вакиллари бу ҳужумларнинг асосий манбаи сифатида Россияни кўрсатмоқда.
